اِستغاثه از علمدار کربلا و گُريز به شهادت آن حضرت

نَه دَردوز اؤلسا دِئیون مَه لـقـا اَبَالفَضلَه

ایکـی قـؤلی بَدَنـیـنـدَن جُـدا اَبَالفَضلَه

اونون قاپـوسینا هر کیمسه صدقِ نیّتلن

گـئـده جواب آلاجاق آند اولا ابالفضله

گر ایستیسن که توجّه ائده دعـالـرووَه

قالیب دلونده اؤلـان ذکـرِ یــا ابالفظله

دئسون خلوصیله گر دَردووی ائدر چاره

دِئیَرلَه خلق آرا مشکل گـُشـا ابالفضله

محالدی اَلـی بوش سائلی یولا سالسین

چوخ آزدی واژة جود و سَـخـا ابالفضله

وئروب فضائلی کامل اونا خُـدای کریم

چـاتـوبـدی جود و کرم هکذا ابالفضله

سخا و جود و کرمده بَدیلی یوخدی اونون

مـحـالـدور بـیـری همتـا تاپا ابالفضله

وار اعتقادی اونون آدینه چوخ اَرمنی نون

مُـریـد اولـوبـلار اولاردا آقــا ابالفضله

فدا اولوم نه فقـط من اوزوم اونون آدینا

اؤلـا آتـامـدا ؛ آنـامـدا فـــدا ابالفضله

مریضون اولسا اگر اؤندان ایسته اِستشفا

دئ عـرض حـالووی اِی بینـوا ابالفضله

گوزل طبیبدی هر رشته ده تخصّصی وار

اِئـدوبـدی ویـژه تـوجّـه خدا ابالفضله

طـبـیـبـه دردی دئیَرلَر دوانی گؤزدَللَّر

دئ دردووی اونا ؛ قالسون دوا ابالفضله

آقـادا ارزشه بـاخ زینیدن دوشنده یِئرَه

آچـوب قـوجـاقینی خیرالنّساء ابالفضله

دئدی وفالی بالام بو یارالی سینَه مَه گَل

آنون وئرر سینه سی اوسته جا ابالفضله

گوروبدی باشدان ایاقه یـارالی عبّاسین

پیمبرون قـیـزی اِئـتـدی دعـا ابالفضله

گوروم باشون اوجا اولسون ایکی جهاندا بالا

دیوب بو سؤزلری غـمـلـی آنا ابالفضله

حسینه خاطر اوغول پیکرون قیزیل قاندی

دگوب حسینه گـؤره چوخ یارا ابالفضله

وفالی اوغلونا زهـرا دعـای خیر وئروب

بـویـوردی بـانـوی روز جـزا : ابالفضله

چاغیرحسینی؛گله قارداشون باشون اوسته

چتین زمان دِئیَه بیر اوخشامـا ابالفضله

باخوبدی فاطمیه دولدی یاشلا قانلی گؤزی

بـهـشـتـدور دئـدی بـو کربلا ابالفضله

همیشه آرزو اِئدردیم گؤرَم جمالوی من

چاتوب او لحظه ی بهجت فـزا ابالفضله

بو یاره لی بَدَنـیـم قؤی دوشه قدملروه

وجـودون آی آنـا سـایـه سالا ابالفضله

باخوب آنا سؤزونه سَسلیوب حُسینی غَرَض

دیوب یِئتیر اؤزون ایندی اَخـا ابالفضله

آماندی تز گَل حسین مقتله آنامدا گلوب

وئروبدی فاطـمـه قارداش بها ابالفضله

چاتیبدی کامه ابالفضلون ایندی گَل قارداشْ

ائدوبدی سؤزلرینه نوکرون عَمَل قارداشْ

گَلـوبـدی اؤغلی اُؤلن شاه قانلی میدانه

گؤروبدی قارداشی میداندا غرقدور قانه

آلوبدی قارداشینن باشینی دیزی اوسته

اؤ شـاه بـاشـلادی بیر اوخشاما غریبانه

فدا اولا دئدی جانیم او قان دولان گوزوه

نِئجـه بـاخـا بیلَرَم من او قانلی مُژگانه

آخوبدی قان یوزوه صورتون قانا بویانوب

ائـدوب نفوذ اؤ قـان زلـف عنبر اَفشانه

گؤز آچ دانیش منیلن قارداشون حسینم من

آماندی گل دله؛قارداش دئ بو لب عطشانه

دیَردیم اولمیـا بیر ساعتیم منیم سنسیز

دوزنمَرَم مـن ابـالـفـضـل درد هجرانه

آچوبدی قانلی گؤزون تشنه جان وئرن سقّا

تبـسّـم اِیـلـدی مـولاسینــه اؤ فـرزانه

دیوبدی حمد ائدورم حقّه نذریم اولدی ادا

بجادی فخر ائلسم ایندی کؤن و امکانه

بو رتبه بسدی منه فاطمه دیوبدی اوغول

اونا اوغول اولا هرکیمسه فخر ائدر یا نه؟

ایکیمجیسی باشیمی آلموسان دیزون اوسته

چاتوبدی نوکر آقا گور نه اَرجِ شایانه! !

اورگیمی ولی بیر غصّه چوخ سیخار قارداش

یانار بو یـاره لـی قلبیم منیم او جریـانه

اودا بودورکه سنی تک گؤرَن زماندا عدو

جَـری اولار سپـهِ اَهـرمَـن سُـلـیـمـانه

قاریشدی قانه او دم گؤزلرینده اشکِ تری

جمالینـه آخـوب اوخشاردی نُقلِ اَلوانه

گوروب او حالی حسین یاندی یاره لی قلبی

یارا دَگوب یـارا اوستن او قلبِ سوزانه

یوزونی قویدی او قانلان بویانموش اعضایه

چکوبدی آه توکوب گوزیاشی یانا یانه

بویوردی خیمه لره من نجه گئدیم ایندی؟

وئـریـم اُلـوم خـبـریـن زینبِ پریشانه

رقیَّمَه نَه دئیوم؟گر دئسه:نجولدی عَموم؟

دئیوم کـه هاردا قالوبدی او طفل نالانه

دئسم شهید اولوب عبّاس نیلیَرگوره سن ؟

یِئنَه پـنـاه آپـاروم مـن خـدای سبحانه

دوتوب یوزون گویه ساری او لحظه سَروَرِ دین

گؤزینده یاش ؛ اِئلیوب شکر؛ حیّ منّانه

دیوب حُسینه اؤزون صبر وئر بو غمده خدا

بیلورسن عشقی چوخیدی بو تشنه قربانه

ولی منیم نئیـم اؤلـسـا سنوندی یـا الله

مطیعم اَمروه ؛ پـابـنـدم عهـد و پیمـانه

وئروب اَلَستیده امضـا پیمبرون نوه سی

که خدمت اِیـلـیـه دینه ؛ کتاب قرآنه

یِئتیرمَـگـه بـاشـا پـیـمـانین اشتیاقيلن

حَرَم لَریلَه حسین گَلـدی بـو بـیـابـانه

یـؤلوندا وئرموشم عبّاس و اکبر و قاسم

اَسیـر اُؤلار حَـرَمـیـمـده گـروهِ عُدوانه

دئدی بو سؤزلری اول مستِ بـادة ازلی

دوراندا یِئردن ایـاقه بئلینده قالدی اَلی

التماس دعا ؛ جعفری