شکایتی سَر گُشاده به سقّا "ع" و بوسه زدن پدر بر بازوان حضرت ابوالفضل((ع))

شـکایـتـی یـازورام مَـه لـقـا اَبَاالفَضلَه

ایکی اوزون قولی تَـنـدَن جُدا اَبَاالفَضلَه

عَریضه می وئریرم سَرگُشـاده حالینده

یـازوم عریضه نی قالسون عَطا اباالفضله

بـودور شکایتیمون عُـمـده مطلبی مـولا

آخوب گوزوم یاشی صبح و مَسا اباالفضله

بیری یازوب منه: "یؤخدور دعالَرونده اثر

کئچن محرّم اِئدوبـسـن دعـا اَباالفظله

اَگرچه حـاجَـتـیـمی اِئتمیـوب رَوا مولا

ولـی یـئـنـه ائـدورَم اِتـّکـا ابالفضله"

خجالت ایلَمه اؤندان منی خُدا نه اؤلار؟

سَنـی قـَسَـم وئـرورم بـا وفـا اَباالفضله

گَلَن محرَّمه جَک حاجَتـیـن روا اِیـلـه

که نذرین اِیـلـیَـه هَر ایل اَدا اَباالفضله

وَ بیردَه چوخلی زماندورکه خامَم ایلمیور

صحیفه اوسته تـَکـاپـو؛ خُـدا اباالفضله

نه علّتی وار اونون من اوزومده بیلمیورم

تؤکـوم سرشکی قـالا اِعـتـنـا اباالفضله

بَـلا چؤلـوندَه حُسینون اؤلوب علمداری

اؤدور دِئیَر چؤخی : صاحب لوا اباالفضله

کَرَملی دور آقا حلّ اِیلیوبدی مُشگُلوُمی

دِئَـیـَنـدَه دردِ دلـیـم دِلـرُبـا اباالفضله

چاغورموشام آدینی هَر چَتین زَمانیمده

تـوسُّـل اِیـلَـمـوشـم بـارهــا اباالفضله

گئچوبدی اَللّی نی یاش؛یادیمه گلن وَقتدَن

گـؤزوم اؤلـوبـدی اَنیسِ بکاء اباالفضله

هر ایل محرّمی قـاره گئیینَّم اَگنیمه من

که یعنی ساخلیورام مـن عـزا اباالفضله

بؤیوکـده اؤلسا اگر مشکلوم اِئدَر چاره

دیللّه خَـلـق آرا مُشکل گُشـا اباالفضله

فدا اؤلوم او مقدّس آدا نَه تک مَن اؤزوم

اؤلا آتـامــدا ؛ آنـامــدا فـدا اباالفضله

فضائلین یـازا بیلمز آقـامین هئچ خامه

هامـی فضیلتی وئرمیش خُـدا اباالفضله

روایتی خانـم اُمُّ البـنـيـن دَنـدی دِئیَر:

بـویـوردی بیرگونی خیبرگشا ابالفضله:

اوغول سنون قولووا وار یری ویرام بوسه

سالار اؤ قؤل لار حُسینی دَریغ و اَفسوسه

عـزیـزِ فاطمـه نی آغلادار اوزون قوللاّر

سالار او قوللّاری کرب و بلاده فرقة نار

حسینیمون بالا دشت بَـلـا و طـوفـانـدا

سنون اوزون قولوا بیر گونی نیازی اولار

بو اَلدی پرچمینی ساخلیار چتین گونده

بو اَلدی کـه اولاجاق زینبه بَلا گونی یار

بو اَلـدی حفظِ حریم حَرَم دَه کوشادی

بو اَلدی لشگرِ کُفرَه جـهـانی اِیلییَه تار

بو اَلدی آلِ علي نـون سـتـونِ بـارگَهی

بو اَلَـه وار یِئری فخر اِئتسه حیدرِ کرّار

بو اَلدی که چکَجَک اَل رُقیّه نون باشینا

بو اَلَه فَخر اِئلییَـر زینبِ سـتـوده تَـبـار

بو اَلدی باعث اولار خَم اولا حُسین قَدّی

بو اَل حَسیندَن آلار طاقت و توان و قَرار

بو اَلَه خاطر حُسینیم اَلـیـن قؤیار بئلینه

گؤرَنده قدّینی خم شادمان اولار کُفّـار

بو اَلدی که اؤنی گؤرسه بَدَندَن آیری حسین

تؤکَه جَک اشکینی دلبنـدِ اَحمدِ مختار

بو اَلدی آغلاداجاق جَنَّت ایچره فاطمه نی

بو اَلدی اِیلیَجَک دین یولوندا چؤخ ایثار

بـو اَلـدی زینبی دشت بـلاده یـوم بـلا

بـلالَره سالاجاق گَر بـَدَنـدَن اولسا جُدا

یا ابالفضل العبّاس((ع))

ای دادرسِ مَــردمِ مَـظـلــوم اَبَالْفَضْلْ

وی یـاورِ دَرمـانـده و مَحروم  اَبَالْفَضْلْ

گر نام تو در جَـرگـه ی مَعصوم نباشد

زَد بوسه به دستانِ تـو مَعصوم اَبَالْفَضْلْ

بـوسـیـد علی دستِ تو دَر شهرِ مَدینه

در کَرب و بَلا هَم شهِ مَـغمـوم اَبَالْفَضْلْ

چون دید حُسین بازویِ سَردارِ سپاهَش

اُفـتـاده زِ جــورِ سِـپَــهِ شـوم اَبَالْفَضْلْ

با دیده ی گریان بگفت او : که اِسارت

شد بَـر حَـرَمَم قَطعی و مَحتوم اَبَالْفَضْلْ

التماس دعا ـ جعفری زاویه