حضرت صغری"سَلامُ اللهِ تَعالی عَلَیْها"- جعفری زاویه
(نوحه)حَضْرَتِ صُغْریا سَلامُ اللهِ عَلَیْها
آغلار گؤزوم علی یوللّاردادور هَلَه گؤز تیکموشم یؤلا ؛ تا قارداشیم گَلَه
*********
آغلار گِئچور منیم هَر روز و هَر شَبیم گویا اُفول ائدوب بخت آدلی کوکبیم
تاراجه توش اولوب اِجلال موکبیم شادلیقلاریـم ییوب بیر مُهرِ باطِلَه
*********
غم؛ غُصّه دور منیم یثربده یولداشیم گویا بلالیدور قارداش منیم باشیم
هجرونده اولدی قان گوزدَن آخان یاشیم اؤخشور گؤزوم یاشی یازدا آخان سِئلَه
*********
گاهی یوخومدا من گورَّم طؤی ایلوسَن فکر ایله سَن اؤزون قالاّم نه حالَه من
جَدَّه مْلَه اوندا بیز قورّوخ بیر انجمن بختِ سیاهیدَن چؤخ اِیلَروک گِلَه
*********
ایل لَردی من سنون حیرانووَم علی عشقونده آغلـیـان گریانووَم علی
وئـر بیر خبَر مَـنَـه ؛ قربانووَم علی تا بو یازیق باجون بیر لَحظَه دینجَلَه
*********
طرح اِیلَرَم نه چوخ نقشه خیالیلَن تا که اوزاقلاشا منـدَن غم و مِحَن
گورَّم که واردی بیر باغ و گُل و چَمَن سنلن باجون وئروب باغ ایچره اَل اَلَه
*********
افسوس اؤلا بولار یکسر خیالیدور گؤرمَک بو گونلری اَمرِ محالیدور
صُغرایه هَم نشین؛غَمدور؛مَلالیدور شادلیق نشست اِئدوب کشتی کیمین گِلَه
*********
یازدیقجا((جعفری)) صُغریا مَلالینی تؤکدی عُـذاریـنـه اَشکِ زُلالینی
غَملَندی؛اِئتدی غَم اَفسُرده حالینی اِیـلَـر مُدام اؤدا غـمـلَـن مجادِلَه
*********
ملتمس دعا ؛ جعفری
سلام بر شما که به این وبلاگ سر می زنید. ممنون لطف تان هستم.