استغاثه و فریادرس خواهی از مولایمان حُسَین "ع"

اورَک خوش اِیلَمیشم یا حسین؛ من آدوویلَن

چـؤبـالـیـور اورَگـیـم سینَم ایچره یادوویلَن

بیر عُمردور کـه قـاپـوندا گـدالیـق اِیلَمیشَم

تانینمیشام هـامی یِـئـرده سِئویملی آدوویلَن

مُـریـد دَرگَـهـونَم مـن آقـا اوشـاقـلیقـدان

هامی دئیور مـنـه : فخـر اِیلَه اؤز مرادوویلَن

آدووی ذکر اِئلَمَک عـادتیمدی گر؛ بئلَه دئ:

شـعـورووی ائـلــه مَـمـزوج اِعـتـیـادوویلَن

حُسینی سَسله ولـی صِـرفِ عـادتـیـلَـن یؤخ

چـاغـیـر حُسین آدیـنـی پـاک اِعتقادوویلن

حُسینی سَسلَه ؛ ولـی مَـسـلَـک حُسینی تانی

شعور و عـقـل و سرشتونلَـه ؛ دوز نهادوویلَن

بـویـور مـنـه آقـا ؛ آدون هر آددان افضلدی

بویور که فخر اِئلَه اِئل ؛ طایـفـه ؛ نـژادوویلَن

آمـانـدی سـؤیـلَـمَـه هَرگِز کـه مُرتَدَم مولا

دِئمـه آمـانـدی ؛ اوزاق گَز اؤز اِرتدادوویلَن

اشاره ایلَـه دِئسون زنـده بـاد ؛ بَس دی مَنَه

باغیشلانار گُـنـاهیـم ؛ تک اؤ زنـده بادوویلَن

اوجـالتـمـوسان باشیمی یا حسین ائوون آباد

آدوندی ؛ غـم گَتیرَر گـه مَنَه ؛ گَـه اِیلَر شاد

فـَـدا اؤلـوم آدووا یـاخشی دِل ستانسان آقا

بو دوزدی عرض ائلَسَم: جسمیمَه تَوانسان آقا

باشیم اوجـالیـقـی سَندَندی شکّ اِئدَم حاشا

گؤزل آقـام ؛ بـاشیمـی عرشه قؤزیانسان آقا

نـه دردیـم اؤلسا طبیبیمسَن ؛ ائتموسن چـاره

طـبـیـب حـاذق و قـهّـار و مهریبـانسان آقا

کَسیلسَه چـارَه هاچان هر گُمان گَلَن یِئردَن

سَنی چـاغـورّام آخی آخـریـن گُمانسان آقا

باغیشلادون آقا سَن حُرّی؛کیم باغیشلاردی؟

تایون یـارانمیـاجـاق ؛ فیض جـاودانسان آقا

آقـالارا آقـاسان ؛ شِـمـریـدَه دعـا اِئـلَـدون

کَـرَمـدَه مـثـلِ خـداونـدِ لـا مَـکـانسان آقا

آدونلا فخر اِئلییَر عرش و فرشین اهلی حسین

عـزیـز اهـلِ زمـیـن ؛ اهـلِ آسـمـانسان آقا

فـرشـتـه لَـر سَـنَـه یـاس ساخلاییر محرَّملَر

مُـقَـدَّس آدوویـلَـن یـارِ قُــدسـیـانسان آقا

اورکـلَـری اِئـلـیـوبسَن مُـسَـخَّـر عشقوویلَن

یـگـانــه رهــبــر آزاده ی جـهـانـسان آقا

هانی سنون کیمی رهبر یِر اوسته ایندیَه جَک

آدوون لا فخر اِئلیَر مهر و مـاه و جِنّ و مَلَک

فــدا اؤلــوم آدووا ای امــام عــالـی جــاه

فـدا اؤلـوم سـنـه کی عـاشیقون اؤلـوب الله

نَه سِرّیدور که آدون گلسه دل غمیلـه دؤلار

ائشیتسَه کیـم آدووی تئز چَـکَـر اورکدن آه

مُـسَـلَّـم اَمـریـدی آمـالـیـنـه اؤلـار نـائـل

کیمه سن اِیلییَه سن قـانـلـی گؤزلرونلَه نگاه

قیامتین گونـی شرمنده دور اؤ کَس لَر کــه

چاغیرمـاقـا آدووی ایـنـدی اِیـلـیـیَـر اِکراه

اؤ کـه گـولوب قـارَه کؤینک گِئییَن عزاداره

اِئدوبدی نـامـه ی اَعـمـالـیـن اؤز اَلیلَه سیاه

اؤ کس که نهضتووَه کج باخیر یقین اِئله سین

بَـتَـر زیان ائـلـیـوب ؛ عُمرونی اِئدوبدی تَباه

آدونــدا وار اَثَــرِ دیگـر آدلار ایچرَه حُسَین

سنون آدونلا طـراوت تـاپـیـر گول ایله گیاه

هـایـانـدا ذکر اؤلونار آدون عشقیلن گئدَرَم

اؤز عشثیمه بو آخان گؤزیاشیمدی یوزده گواه

آمانـدی حشر گونونده یاپیش اَلیمدَن حَسین

پـنـاه وئـر مَـنَـه دَه اِی اؤلان ضـعـیـفـه پناه

یـازیقـدی ((جعفری))نی قؤیما اؤد ایچیندَه یانا

هاراسی وار اؤنـون آخر ؛ گِـئـدَه بیلَر هـایانا

تهران ؛ یکشنبه 19 آبان 1392 شمسی برابر با 6 محرّم 1435 قمری ؛ جعفری زاویه