زبانحال حضرت رباب (س) در شب عاشورا

فَـدایِ تشنه لَـبَـت مـادَرَت رُباب اَصْغَرْ

مَکُن بَه ناله ی خود قلبِ من کَباب اَصْغَرْ

سه روز گشته کـه آبی نخورده بَر لَبِ تو

نموده اَهلِ ستَـم زانـکـه قحطِ آب اَصْغَرْ

زِ مَن مَشو گِلِه مَند اِی غَزالِ تشنه ی من

که تشنه ام چو تو من هم به پیچ و تاب اَصْغَرْ

خـجـالت است زِ روی تو ماهِ گردون نیز

زِ شـرمِ مـاه ؛ هَـدَر گشتـه ماهتاب اَصْغَرْ

نـه چـاره ایـلسـون آیـا آنـون رُبـاب اصغر

سـوسـوزلیـقـون ایلیـور قلبیمی کَباب اصغر

اَلیمده چاره یـؤلی یـؤخدی چوخ فَغان اِئلَمَه

که تشنه دور بو گِئجَه طفل و شیخ و شاب اصغر

بـاجیـلاروندا سوسوزدی دوشوبدیلر جاندان

دوتوبدی گؤزلرینی بلکه ایندی خواب اصغر

فغـانویله یـاتـان خـوردا قیزلار ایندی دورار

دوتـار وجــودلـریـن هـول و اضظراب اصغر

آمـانـدی آغـلامـا ؛ نـاز ایلـه وار خـریداری

فــدای نـازون اولــوم ؛ اِیلـَمَـه عِتاب اصغر

نه فکریلر اِئـدورم مَن ؛ سوسوز هارا ناز هارا

اؤزوم اؤزومـه گـَرَک مـن وئرم جواب اصغر

سـتــاره لـرده کـاَنّـه اُفــولـووَه تـَلـَـسـور

اُفـول ائـتـمـاقـا اِیلولّـه چـوخ شتـاب اصغر

اِئدولّه چـؤخ عَجَله گون چیخـا گونوز اولا تا

بـلا چـؤلـونــده قـوپـا شـور اِنقـلاب اصغر

عجب زَمانه دی کـه بـاغـلانـوب پَرِ شهبـاز

تـعـجّـبـم ولــی پــرواز اِئـدور غراب اصغر

گؤزون فَداسی اولوم سن سوسوز هَزاره کیمی

آنـوویـدا اِئـدوسن شـَمـع تَک مُـذاب اصغر

باجـون رقـیّـه ده پـروانه تک یـانـار اؤدووا

نـِئـجه سـوسـوزلیقـووا اِیلَسون اؤ تاب اصغر

چـوخ آرزولر اِئـدردیـم اوغـول خیـالیـم آرا

تـمـام آرزولـاریــم اولــدولار سراب اصغر

خیالیم ایچره دِئیَردیم بؤیور بـالام دیل آچار

شیرین دیلیـلـه آنـاسین اِئـدر خطاب اصغر

اونـا مـن اورگـَـدَرَم آدلارین یـاخینلارینین

اَوَلـده اَکــبـَـر آدیـن اِیـلــر اِنتخاب اصغر

بـؤیـور بالام علی اکبر طؤیونـدا شرکت اِئدر

سَپَر گَلیـن باشینـا عـطـریـلـن گُلاب اصغر

او آرزولـر اوغـول سـان وئـرور خیـالیـمـده

عذاره هی توکـورم مـن سِرشـگِ ناب اصغر

مـنـه کمک اِئله ایندی سوسوزلیقا دؤز اوغول

بـلایـه صـبـر اِئلـیــیـَر آل بــو تُراب اصغر

توکوم سرشگیمی من تا دوداقون ایسلانسون

آزالــدی بـلـکـه وجـودونـده اِلتهاب اصغر

وَ لیک شوریـدی گـؤز یاشی آرتیرار عَطَشی

عَطَش چؤخالسا گِئدَر جسمیدَندَه تـاب اصغر

یِـئـنَـه پـنـاه آپـاروم قـؤی عَمون اَبـاالفضله

گـَتـوره بلـکـه سنـه نیمـه جُرعه آب اصغر

حـیـا و حـجـب اجـازه وِئـره مَـنَـه هیهـات

بـو اَمریـدن اِئـدَرَم مَن چـؤخ اِجتناب اصغر

دؤزوبسن اوچ گونی بیر آزدا تاب ایله عطشه

کـه صبح اؤلـوب گؤرونـه روی آفتاب اصغر

عمون صبـاحلاری یـا ایـلـیـر سیزی سیراب

و یا بو یـؤلـدا قـؤیار جانین اؤل جَناب اصغر

سنی بو حـالـدا گـؤرَه مهر و ماه شَرم اِئلییَر

چَـکَـلَّـه یـوزلـریـنـه شرمیـدن نقاب اصغر

اولیـدی کاش آنُووُون دؤشلرینده بیر آز سود

اَمیدی سود اَمَـری تا اِئـدیـدی خواب اصغر

ولی اوزون بیلوسن منده سن کیمین سوسوزام

سـودی قـورور آنانون ایچمَسَه گَر آب اصغر

تحـمّـل اِیـلـَه بـالا چؤخ مَـنـی اوتـانـدیــرما

شکسته قلبیمی سن سوز غَمـدَه یاندیرما

چیخـار غمـونـده منیم عَرشه سوز آهیم علی

قسم آخـان گـؤزووَه یـؤخ مَنیـم گُناهیم علی

سنیـلـه دلـخـوشیـدوم دَهریده اُمیدیمیدون

دِئیَردیم اؤز اؤزومه واردی خوش پناهیم علی

گؤزومی تیکمیشم ایندی سوسوز دؤداقلارووا

اؤ تـشـنـه لَبـلـرووَه باغـلانـوب نگاهیم علی

خجالتم که سودوم یؤخدی سینه دَه اَمَه سَن

قـوری دؤشومـدی بـو گفتاریمه گُواهیم علی

منیم قـابـاقـدا هَلَه گؤرمَلی گونوم وار اؤغول

گَرَکدی شامَه گِئدم چؤخ اوزاقـدی راهیم علی

تَوَکـُّل اِیـلَـرَم الـّلـهــه ایـسـتَـرَم کـه مَنـَه

تـَـوان وِئــره او تـــوانــا اؤلـان اِلاهیم علی

شکایـت اِیـلـمـیـیـَم چَکـدیـگیـم بَلا لَردَن

اَگـَر چـه گوندوزوم  اولسا شب سیاهیم علی

آدونـلا اِئل لَر آرا  فخـر اِئدَردیم اؤغلوم من

بودور اورک سؤزوم ؛ افکار و دیـدگاهیم علی

اگـر چـه من آنووام سن مَنَه اؤغولسان لیک

سنون آدون منیم اولموشدی فخر و جاهیم علی

باشیمـدا اصـغـر آدی تـاجِ عزّت اولموشیدی

دِئیَردیم آدون اؤلوب باشـدا تاج شاهیم علی

خیالیم ایچره دِئیَردیم که مَن قوجالدوقجاق

جـَوان بـالام اؤلاجـاخ مـایـه ی رفـاهیم علی

سن اؤلماسون مَنَه دنیا قـارانقولوق گِئجَه دی

تفاوُت اِیلَمَز هِئچ صبـح و شـامـگاهـیـم علی

نَـه آی؛ نَـه گون؛ نَـه ستاره سَن اؤلمیان یرده

دوشَر محـاقـَه مُسَلَّمـدی مِهر و مـاهیم علی

یوزووَه باخـدوقیـجـاق طاقَتیم مَنیم آزالور

فَلَک نَـه تِِئز سَنی اَصغَر مَنیم اَلیمدَن آلور

اَلیمدَه آغـلامـاقـا وار گـؤزل بـهـانـَه اؤغول

دیلیمده آدون اؤلار یـانـدیـران تَرانه اؤغول

گَرَک دِئیَم گئجه گـونـدوز یانا یانا بـالا وای

واریمـدی سینَه دَه سَندَن عَجَب نشانَه اؤغول

قـالـوبدی دیرناقـوُووُن رَدّی سینَم اوستوندَه

سَـبَـب اؤلار اؤ اَثـَـر اَشـکِ دیـدگانه اؤغول

آنـون سَـنون بـالا دریایِ غَمـده غوطَه ویرار

تاپانـمـاز عُمر اوزونی ساحِـل و کَرانَه اؤغول

دِئـیَـرَم اؤز اؤزومـه غَملرونده مَن ؛ باخ علی

آنُووی گؤر نَه گونَه توش اِئدوب زمانه اؤغول

اؤلوبدی صبح وشبی ؛ وِرد و ذِکری اَصغر وای

لَهیبِ قلبی چَکور صُبـح و شَب زبـانـَه اؤغول

شکسته قَلبیمه دَگسین قادون؛بو بیرگِئجه نی

فَغـان سَن اِیلمه قوی من گَلوم فغـانه اؤغول

رُبـابـون اَصغَـریـنـه ((جعفری)) دِئـدون نوحَه

یِـئـنَـه دَه اِئـتـدون آدیـن دَفتَروندَه سَرلوحَه

__ــــــــــــــــــ__

التماس دُعا  ؛  جعفری زاویه