ظُهرِ عاشورا

14 بیت نوحه

کربـلاده آیـه آیـه پخش اؤلـور قُـرآنْ یِئرَه

چون حُسینون پیکریندَن جاری اؤلموش قانْ یِئرَه

ویردیلار اؤخ؛ نیزه؛ خنجر؛داش اؤ زیبا سیرته

سالـدیـلار فرزندِ زهرانی غَرَض آتـدان یِئرَه

قؤپدی تؤز؛ظولمت چؤکوبدور ظُهر وقتی چؤللَره

بیر چوخور گودالیدَه دوشدی شَهِ عطشان یِئرَه

سَسلَنیردی هاتف غیبی اوجا : قُتْلَ الْـحُسَیْـنْ

سَس چاتیردی عَرشِ حَقدَن گوئیا هر آنْ یِئرَه

کـوفـیـان و شامیانیـن ظُلمی اؤلـدی آشکار

زینیدَن ظولمیلَه دوشدی شاهِ اِنس و جانْ یِئرَه

مات و مبهوتم نیه دونیا تمامَـه یِئتـمَـه دی؟

اؤندا که دوشدی آتیندان یارَه لی سُلطان یِئرَه

گَـلـدیلَر جُـمـلــه رسـولـان معظَّم للعَجَبْ

سینه چاک و دیدَه گریان؛باش آچیق؛نالانْ یِئرَه

آدَم و نوح و جنـاب شیث و اِدریس و شُعَیْبْ

دیللَریندَه گَلدیلـَر مین نـالـه و اَفـغـانْ یِئرَه

ساخلاسینلار یـاس بـلا دشتیندَه زهرا اؤغلونا

اؤلدولار گؤی اهلی عاشورا گونی مهمان یِئره

ضجّه چکدی قُدسیان ؛ آغلاشدیلار کَرّوبیان

نـالـه و افغان ائدوبلَر ؛ سالدیلار طوفان یِئرَه

گَـتـدی جنَّتدَن خانم زهرانی زینب ناله سی

گؤزلریندَن آخدی سیلِ اشکی چون باران یِئرَه

کُفر اُؤلمیدی ؛ دئیَردیم من که عاشورا گونی

عرشیدَن گَلـدی نَوا خوان خالقِ سُبحانْ یئرَه

کَـربَـلا تُـپـراقینه وئردی شَرَف خونِ حُسین

آرتیریبدور قانی صَـد اَلبَتَّـه عزّ و شـأن یُئرَه

اَهرمَن لَر تـؤکـدی ظـولـمـیـلَن اَهورا قانینی

وار یئری یاغسیدی عاشورا گونونده قان یِئرَه

پنجشنبه روز عاشورای سال 1392 شمسی ؛ دهم محرم الحرام 1435 قمری ؛ جعفری زاویه