اشعار ترکی و فارسی از دو شاعر خلخال

کیمدی ؟

کیمدی یـا رَب ؟ مَنی آواره _ی صحرا اِئلیوب

اؤز فـراقیـنـدَه گـؤزوم یـاشینی دریـا اِئلیوب

کیمدی ؟ که قامت زیباسی قیامت یارادیب

مَـنَـه آیدین گونوزی چون شب یلدا اِئلیوب

یـارادان وقـتـدَه اؤنـی حضرتِ خَــلاّقِ اَزَل

گوشه _ی قُـدرتـینی خَـلـقَـه هُـویـدا اِئلیوب

بو گؤزللیکدَه بشر واردی؛سؤروشدوم؟دئدیلَر:

یـارادانـدا اؤنـی حَـق ؛ محشر کبری ائلیوب

دؤداقین لعل اِئلیوب قاشینی یای؛ کیپریگین اؤخ

گـؤزلـَرین قُـدرت اَلـی نَرگس شهلا اِئلیوب

چؤخلی مشکل بَگَنَـن شخصلَـری ؛ دلبریمین

سیرت و صـورتـی دلـداده و شـیـدا اِئلیوب

عُـرَفـا خـاک رَهـیـن گـؤزلرینه سُرمَه اِئدَر

یـؤلـونـون داشینی ؛ حق لـؤلـؤی لالا اِئلیوب

گؤرَه هر کیمسَه اؤنـی مـات اؤلاجاق هیبَتینَه

دَستِ صانع گـؤرَه جک اؤندا نه غوغا اِئلیوب

شکر اؤلا  خالـقـه که قلبیمی عاشق یارادیب

یـار آدین قَلـبـیـمـه تَسکین و تَسَلّی اِئلیوب

عشقِ یوسفده ؛ ایکی گـؤزلَرینی گـؤز قؤیدی

اؤزون انگشت نما خَـلـقـَه ؛ زلـیـخـا اِئلیوب

خَلق بیلسین که منیم یاریمه جان بؤرجوم وار

دیـری اؤلماقلیقی ؛ عشقی مَـنـَه اهدا ائلیوب

گؤرمه سَم اُؤلسَم اگر یاریمی ؛ عاشق دئییلم

((جعفری)) اؤندا اؤزون بؤش یِئرَه رُسوا اِئلیوب

تهران ؛ قنات کوثر ؛ یکشنبه 3/9/1392 ؛ جعفری زاویه