قؤشما - دهقان نورانی
سایین دهقان نورانی جنابلاریندان :
قؤشما (11 هجا تورکی شعر قالیبی)
سینَمده کی اورک باخمیر سؤزومَه خـیـال گـئـدیر جوانلیقی دؤلانیر
چاتمور اَلی کِئچَن گونه کؤنلومون گونی گوندَن کؤنلـوم اِئوی تالانیر
خـیـال گـئـدیر جوانلیقی دؤلانیر
قؤجـالـیـقـدا آتین چاپیر هر یانا آرزولاردی سـالـیـر منی هیجرانا
جوانلیقیم چؤخدان دوشوب زندانا گؤزدَن آخیر گؤزیاشلاریم جالانیر
خـیـال گـئـدیر جوانلیقی دؤلانیر
قؤجالمیشام تؤر دوتوبدی گؤزومی کیمسَه یؤخدی دِئیَم اورَک سؤزومی
ایتیرمیشم ؛ تـاپـانمـیـرام اؤزومی سینم اوستـَه هجران اؤدی قالانیر
خـیـال گـئـدیر جوانلیقی دؤلانیر
گونوم قؤودی هَفتَم چاتدی آیلارا عُمرومی قول کیمین ساتدی آیلارا
ایل لَری یـؤئـوروب قاتدی آیلارا آغلامامیش منیم گـؤزوم سولانیر
خـیـال گـئـدیر جوانلیقی دؤلانیر
بو گِئن دونیا هرگون منه دار گَلیر غَم؛غُصّه دَن بؤران گَلیر؛ قار گَلیر
کاش گؤریدی((دهقان))بوگون یار گَلیر عُمروم هَرگون بولاغ کیمین بولانیر
خـیـال گـئـدیر جوانلیقی دؤلانیر
تهران ؛ سه شنبه 21/8/1392 ؛ دهقان نورانی
سلام بر شما که به این وبلاگ سر می زنید. ممنون لطف تان هستم.