اشعار ترکی و فارسی از دو شاعر خلخال

عیوب قوافی مُرَدَّف شعر را به خاطر پیدا نشدن قوافی غزلی خواهید بخشید.

شعرین قالیبی : غزل(ابیاتین سایی : 12 بیت)

عؤمور باغینین سؤلماسی

شش جهتدَن بـاشیـمـا دونیا آوار اؤلمادادی

عُمرومون گوللری بیرـ بیر سارالیب سؤلمادادی

ائـلـه افسرده خیـالـم که گونوم قاره گئچور

کـؤنلـومـه غصّه و غملر یئنـَه دَه دؤلمادادی

یاخشی اؤلدی که آنام گؤرمَدی بو گونلریمی

آنام اؤلسایـدی گؤرَردوز ساچینی یؤلمادادی

شمع مثلـیـنـده وجـودیـم اَرئـیـور غملردن

آز قالیب قورتولا؛ مین شکر که قورتولمادادی

غم اؤخون ویـردی زمـانـه اورگیم باشیندان

چؤخ یارا بـو اورگـیـمـدَه هَلَه دَه قالمادادی

هامیسیندان بَتَـری بیر یـارا وار کـؤنلـومـدَه

اؤ یـارا ؛ جانیمی هر لـحـظـه اؤدا سالمادادی

ملک الموت دئییل ؛ آمما آلـیـر جان من دَن

بو قوری جانیمی هَرگون نئچه یؤل آلمادادی

واریـدی چؤخلی اوزون آرزیـلاریـم قلبیمدَه

ایندی اؤ آرزیـلاریـم ساده جَه قیسّالمادادی

((آدَم آوَرد دَر ایــن دیــرِ خــراب آبــادَم))

مین بئله فیکره کؤر اؤلمش ذهینیم دالمادادی

شیطان آلـداتـدی بهشت ایچره نَـنَـم حَوّانی

دئدی: وئرمز بورانین میوه لَری آلـمـا دادی !

گِـلَـه آیـا اِئـلـیـوم آدمـیـلَــن ؛ حَـوّادَن ؟

یـا کی تقصیر دئیوم بوغدادا یـا آلمادا دی ؟

کِئشگَه بو جُمعه گَلَه دَردیمـه دَرمان گَتیرَن

اؤ کی هجریندَه گؤزوم یاشلاری قان اؤلمادادی

تهران ؛ سه شنبه 12 آبان ماه 1392 ؛ جعفری زاویه