سایین دهقان جنابلاریندان

در وصف زادگاهم خلخال

ازلــدن بـاغـلــیــدی اورَک خالخالا

آق ئـوزونـده نـاز اِیلـیـیَـر خال ؛ خالا

گــؤزوم دوشـوب اَیـاقـونــدا خالخالا

(قیسقانیرام سَن تَک یاری خالخ(خالق)آلا)

آغـلاتـمـا سـن مـنـی بـو قَـدَر گولوم

عشقونله یـاشـایـیـم هَـر زمـان گولوم

خـلخـال مـنـه اؤغـول دئسَه نه دَردیم

وطن دئییب ؛ باش گؤتوروب؛گِئدَردیم

گـؤز یـاشـیـلا من بـؤرجومی اُؤدَردیم

قـالان عـؤمری اؤز یوردومدا یاشاردیم

بولاغ کیـمـیـن قاینایاردیم ؛ داشاردیم

غُـربـَت مَنی آیـری سـالــدی اِئلیمدَن

بُلبُل اؤلدوم ؛ کام آلمادیـم گـولـومدن

خـلـخـال آدی آسـلانیبـدی دیلیمدَن

بـاش اَیَـرَم عــؤمـور بــؤیــی آدیـنـا

قــوربــان اؤلــوم آدیـنـداکـی دادینا

بـاژلار داغـیـم ؛ سَنجَبَدیـم وار اؤلسون

حیات بؤیی ؛ تـانـری سیزه یار اؤلسون

گئنیش دنـیـا ؛ دُشمـنـوزه دار اؤلسون

بلـکـه مَـنـدَه بـو دارلـیـقـدان قوتارام

قسمت اؤلسا ؛ غُـربَـت داشـیـن آتارام

وطـن مـنـدَه مـیـن اؤغـولـدان بیرییَم

قـؤیـمـا مـنـی غُـربَـت اِئلـدَه چورییَم

اُؤلمَه میـشَـم ؛ نـفـس گَـلـیـر دیرییَم

کاش گیریدیـم اوشـاق کیمین قؤینووا

حـلـقـه اِئـدیب قـؤل سالایدیم بؤینووا

((دهقان)) سَـنـون عشـقـوویلَن اوجالدی

وطـن دئییب ظالـیـم لَـردَن بـاج آلدی

آمـمـا حـیـیـف غُربَت اِئلدَه قؤجالدی

بـاش آغـاریب قـار یـاغیـبـدی تِئلینه

مین جـان اؤلـسـا قـوربـان اِئدَر اِئلینَه

تهران ؛ سه شنبه 12 آبان ماه 1392 ؛ دهقان نورانی