در وصف نام و مقام حضرت زينب((س))و اشاره به وداع آخر امام((ع))

حـيـدرِ کـرّار آدی گـر فَخـريدور عالَم لَره

زينب آدی زَيْنِ اَبْدور فخر اؤلوبـدور حيدره

شرح ائـده خـامـه نه نوعی وصفِ نام زينبـی

ذهن و فکريمده منيم يؤخدور ائله بيرگُستَرَه

آد قـؤيـان وقـتـده پيمبر پـاک دامـن زينبه

گَـتـديـلـر قـدّوسـيـان زينب آدين پيغمبره

آسمانی آدّدی زينب آدی يـؤخدور شکّيميز

گَـتـدی جـبـريـلِ اَمين حَقدَن رَسول داوَره

بير خـانـم کـه آدينی آلله قؤيوبدور زَيْنِ اَبْ

وار يـِئـری گَـر جـانشين اؤلسا بَـتـولِ اَطهَره

خیردا سنّيلن اؤلـوب زهـرا يِئرينده جـانشين

هـم بـاجيیدی هـم آنـا زهرا بِئجردن گُللَره

گَلـمـيـوب گَلمَز جهانه مثلی هرگز زينبـون

چشمِ دنـيـا گؤرميوبدور مثلينی ؛ حاشا گؤره

ايستيَردی چوخ اگرچه بو خانم قارداشلارين

عشقی امّـا چـؤخ چؤخيدی سنّيده کوچکتره

عاشق اؤلموشدی اوشاقليقدان حسين قارداشينا

دِل ويروب دِلداده زينب بير حسين تک دِلبَرَه

گون اوگون اؤلدی گلوب اِئلچی او زهرا منصبه

وقت اؤ وقت اؤلدی گئده زينب سرای شوهَرَه

بـو طـبـيـعـی اَمريدور اِئلچی گَلَندَه هر قيزا

ذهن و قلبينده سالار شادليق فضاسی سيطَرَه

زينب امّـا غُصَّه لَندی دؤلـدی ياشيلن گؤزی

وِئردی فرصت صورته جاری اولان اشکِ تَرَه

عِـلّـتـی واضحدی زينب قارداشا وابسته دی

آيـريلا اؤنـدان چتين دور زينب غَـم پَـروَرَه

کربلاده بيلميرم آيريلدی قـارداشـدان نِئجه

حـاکـم اؤلدی خيمه لَـر ايچره غَريبه مَنظَرَه

جمع اؤلـوب اهـل حرم اطراف شاه بی کسه

گَرد غم قـؤنمـوشـدی اَخيام حُسَينَـه يکسَرَه

منتظردور هامّوسی گـؤرسـونلَـه زينب نيليور

گـؤز تيکیـب اهـلِ حَرَم يکسر اؤ زهرا بَنزَره

نـاگـهـان گـفـتـاره گَـلـدی بی معلّم عالِمه

نـاگـران گـئـتـمـه قـتـالِ فرقـة کين پروره

قيزلاروندان ناگرانسان؟واردی زينب غم يِئمه

بير بـه بير تـاپـشـور بو اطفالی خـدای داوره

من شريکم نهضتونده قـؤيمـارام نهضت ياتا

نهضتی سَن باشليوبسان مَـن يـتـورّم آخـَـره

انـقـلـابـیـن قـانينـی سن وئـر پیامی زينبون

لَـرزه سـالاّم شـامـيـده کاخ يـزيـد کافـره

من عُـبـيـدالّـلـهـی اؤز قصرينده رسوا ايلرم

نطقيميلن من تـکـان وِئـرّم اؤ تنـديس شره

هـيـبـتِ ظُـلاّمی سـيـنـديـرّام کـلامِ حَقّيلن

وِئـرمَـرَم اِذن تَـکَـلُّـم اَبـلَـهــانِ خـودسَره

وار ولی بير خواهشيم سندن بو آخر لحظه لر

سينمه بير قؤی اَلون جان وِئر حسين جان خواهره

دوغميايدی زينبی اِی کاش آنـاسـی فـاطمه

دوشمييیِدی گؤزلـری بـو لحظه ی حُزن آوره

روحـيـم ايستور غُصَّه دن بالمَرّه تندن آيريلا

سينم اوسته قـؤی اَلـون بـو قلبه آرامش وئره

آند اؤلا اؤز جـانووَه روحيم سَنـه وابسته دی

بير دؤيوم گؤزلن باخیم قؤی اؤل جمالِ اَنوَره

اَلغَرَض بير پيرهن گَـتـدی وئروب قارداشينا

عرض اِئدوب آغلار گؤزيلن اؤل شهِ بی ياوره

بو همان کؤينکدی قارداش تاپشوروبدور فاطمه

وئـر بونی وَقـتـيـنـده سن بـنـدِ دل پيغمبره

گِئيدی قـارداشون ايليکه وئرديگيم پيراهنی

بوسه وير مـادر يِئرينده سن اؤ عطشان لبلره

لبلريلن گؤزلَريـنـدَن ئوپ قولون سال بؤينونا

قؤی لبِ خُشکيدُووی پيغمبر اؤپموش حَنجَره

ايـنـدی قـؤی اِجرا ائده زينب آنا فرمايشين

گَل بؤغازوندن اُؤپوم اِی فَخراؤلان بَحر و بَره

نوردور بـاشدان اَيـاقه قامتون قارداش سنون

قـبـلـه گاهِ مَـعـرفـتـدور مَـردمِ حَـق باوره

نـورِ رُخـسـارون اِئـدَر تفسير نـور آيـاتـينی

صـورتـون مِـرآتـيـدور ذات حَـقِ صورتگره

اؤلسا بـو لشگر ايچينـده گر بير اهلِ معرفت

حَقّيلن جنگ اِيلـمَـز هرگز ؛ اَل آتماز خنجره

اِيليیَر کُـفّـاره اِعـلان حَـقّيلـن جَنگ اِئتميون

وار قـابــاقــدا روزِ مـحـشَـر ذَرَّهٍ شَـرّاً یـَرَهْ

حيف اؤلا اَمّـا گُـريـزاندور بـو لشگر نوريدن

اَمرِ واضحدور بـاخـانـمـاز آفـتـابَه شَب پَره

ناگران اولما سه سالوندن حسين آسوده گئت

اِيلَرَم خدمت اؤزوم من اؤل سه سالـه دختره

مونسيمدورکوفه و شام ايچره شيرين دیل بالون

تـاپـمـاقـا نهضت ادامـه وار نـيـازيـم ياوره

ايندی قارداش گئتگيلن آللّهَه تاپشوردوم سنی

سنده تاپشور عـتـرت اطـهـارون حـیّ اکبره

دؤلدی اشگيلن گؤزی هم باجينون هم قـارداشين

بير سؤز آهستـه بويوردی شه او محزون خواهره

قول بؤيون اؤلدی باجی قارداش او آخر لحظه ده

اَمرِ مشکلدورکه شرحی ثبت اؤلونسون دفتره

((جعفری)) زينت اؤلار اشـعـارووَه زينب آدی

يوخ نيازی دُنيَوی تزئـيـنـه ؛ زيـب و زيـوره

ايسـتـه زينبدن اؤزی اِئتسون تَوَجّـه شعرووَه

بلکه شعرون اؤلدی رَه تـوشه معاد و محشره

التماسِ دُعا ؛ جعفری