اشعار ترکی و فارسی از دو شاعر خلخال

... یؤخسا !

شعرین قالیبی : غزل (ابیاتین سایی : 12 بیت)

هِئ ویریر عشق که یان دور؛ یاناجاقسان یؤخسا

یاندیران دیر آلـؤوی ؛ اؤدلاناجاقسان یؤخسا

گؤزله سن دوشمه بو ائولر داغیدان اؤد ؛ آلؤوا

دینووی نئچه گون ایچره داناجاقسان یؤخسا

بیرینی سئوسَن اگـر دائمی بـو فیکریده سن

سئومَسین بیر کس اؤنی ؛ قیسقاناجاقسان یؤخسا

قایناییب داشما بو تئزلیکده بیر آز حوصله ائت

دگسه اؤد ؛ سو مَـثَـلی قایناناجاقسان یؤخسا

عشق اصلاندی ؛ اؤنـون قـویـروقونا اَل ویرما

بیر اؤیونجاق کیمی عشقی ساناجاقسان یؤخسا

سنی بـی چـاره ائـدر بـو شـجـرِ مـمـنـوعه

دار ایپیندن گـؤزلـیـم آسلاناجاقسان یؤخسا

عشق معـنـاده اوجـالدار ولی ظـاهرده ییخار

دائـمـاً فکر اِئـدیسن قـؤزانـاجاقسان یؤخسا

بیر دوشون؛صؤنرا قدم قؤیگیلا عشقین چؤلونه

قوری ؛ بؤش وعده لَرَه آلداناجاقسان یؤخسا !

یا بو وادی دَه قَـدَم ویرما وَ یا داغ کیمی دور

عشقیلَن گَـردَنـه ی حـیـراناجاقسان یؤخسا !

نـاز اِئدَنده سنه معشوقه ؛ نیـاز ائتمه لی سن

دوشونورسن؛ سن اؤنا قیرجاناجاقسان یؤخسا

اؤلمیا سن هَلَه ده قانمامیسان عشق نه دور ؟

جـان وئرَن وقتیدَه عشقی قاناجاقسان یؤخسا

((جعفری)) دوشمه بو صحرای جنون و عَـدَمَـه

اؤد ایچینده گئجه؛گوندوز یاناجاقسان یؤخسا

تهران ؛ یکشنبه 24/9/1392 ؛ جعفری زاویه