قؤشما - دهقان نورانی
سایین دهقان جنابلاریندان:
قؤشما (11 هجا تورکی قالیبی)
غُربت ائلده گَـزدیـم وطن دالیجان
ایـتـیـرمـیـشـم تاپانمیرام اؤزومی
گـؤرون فلـک سالیب منی نه دَردَه
اؤز اَلیـمـلَـه چیخاردیللار گؤزومی
دانیشاندا وطـن منـیـم سؤزومدی
یاخشی؛ پیسی گؤرمَگیچین گؤزومدی
مـن وطـنـم ؛ وطَن منیم اؤزومدی
قـؤی دانیشیم اورکده کی سؤزومی
اؤز اَلیـمـلَـه چیخاردیللار گؤزومی
دیلیم منیم دیلیـم ؛ دیلیم اؤلوبدی
خزان گَلیب باغدا گولوم سؤلوبدی
اورَگـیـمـَه وطـن دردی دؤلوبدی
دانـیـشـانـدا اینانان یـؤخ دوزومی
اؤز اَلیـمـلَـه چیخاردیللار گؤزومی
دوز دانیشسام آساجاقلار دیلیمدَن
اوتانان یـؤخ تـاریخیمدَن ؛ اِئلیمدَن
گَل قؤرخگیلان گؤزدَن آخان سئلیمدَن
بـاجارانماز کیمسَه اَگسین دیزیمی
اؤز اَلیـمـلَـه چیخاردیللار گؤزومی
تورک بالاسی اؤز یوردونی آتماسین
شَـرَفـیـنـی ؛ غیـرتینی ساتماسین
اَل بیـر اؤلـاق کیمسه بیزه باتماسین
وطـنـیـمـده مـن تـاپـارام ایزیمی
اؤز اَلیـمـلَـه چیخاردیللار گؤزومی
غُربت اِئلـدَه((دهقان)) گَزمَه اؤزووی
اؤز اَلـونـلَـه چیخـارداللار گؤزووی
قؤرخماگیلان دانیشگیلان سؤزووی
آلا بیلمَز کیمـسَـه سندَن دؤزومی
اؤز اَلیـمـلَـه چیخاردیللار گؤزومی
تهران ؛ دوشنبه 25 آذرماه 1392 ؛ دهقان نورانی
سلام بر شما که به این وبلاگ سر می زنید. ممنون لطف تان هستم.