اشعار ترکی و فارسی از دو شاعر خلخال

کؤنلومه

سایین دهقان نورانی جنابلاریندان بیر گؤزل تورکی شعر:

شعرین قالیبی:غزل(ابیاتین سایی: 8 بیت)

وزن شعر: فاعِلاتُن ؛ فاعِلاتُن ؛ فاعِلاتُن ؛ فاعِلُن

کاش گؤرَم بیرگون گَلیب دَرمان اِئدیر یار کؤنلومه

بوزلاییب سینم منیم؛هَرآن یاغیر قار کؤنلومَه

یاز گَلیب گول آچمادی؛ پرواز اِئدَم گولدَن گولَه

بُلبُل شیدا کیمیـن نِشتَر ویریر خـار کؤنلومَه

من اَزَلدَن بـاده ی عشقیله مَدهوش اؤلموشام

بو گئنیش دُنیا اؤلوب عُمروم بؤیی دار کؤنلومَه

طرلانیم تسخیر ائدیب عشقیلَه کؤنلوم مُلکونی

شش جهتدن باغلادیم یؤل تاپمیا سار کؤنلومَه

هاردادور حاذق طبیب؟تا دردیمه درمان ائدَه

گؤزلَرَم دیلداریمی دوشموش بوگون نار کؤنلومَه

اَل اَلَه وئـرمیش اَزَلدَن عشقیلَن هجران بیلون

گؤرموشم هجران قوروب چؤخدان منیم دار کؤنلومَه

من که جان نقدیلَه دوشدوم عشقینین سؤداسینه

قؤیماسین اَغیـار اِئدَه هَر لَحظَه آزار کؤنلومَه

((دهقانـام))یار قؤیماسا جِسمیمدَه ذَرَّه یْجَنْ عَرَضْ

جـوهَریم اؤلماز فَـنـا اؤد یاقدیرا یار کؤنلومَه

تهران ؛ دوشنبه 16 دی ماه 1392 ؛ دهقان نورانی ناطور